Arrestohen pesë persona në Ferizaj dhe Prishtinë, sekuestrohen 37 kilogramë heroinë

Policia e Kosovës dhe Prokuroria Speciale kanë njoftuar për arrestimin e pesë personave dhe sekuestrimin e 37 kilogramëve substancë të dyshuar heroinë, gjatë një operacioni të zhvilluar më 3 nëntor në rajonin e Ferizajt dhe Pssrishtinës, me mbështetjen e AKI-së.

U.d. kryeprokurori i PSRK-së, Dren Paca, e cilësoi operacionin ndër më të mëdhenjtë e këtij lloji në vend. Sipas prokurorit Dema, dyshohet se narkotikët janë transportuar nga vendet aziatike në Kosovë.

Gjatë operacionit u sekuestruan edhe 5.300 euro, 100 dollarë, një veturë, dhjetë telefona, 15 fishekë dhe pajisje të tjera.

Të dyshuarit janë ndaluar për 48 orë.